主页 > 人类时代 >【轮证赢家】无咗几盒月饼添!

【轮证赢家】无咗几盒月饼添!

2020-06-13 616浏览量
【轮证赢家】无咗几盒月饼添!放大图片

噚日下昼2点半到,写紧【下半Part】时,见恒指5分钟图SlowSTC(14,3)落到超卖水平,而进取、Day trade嘅(54072)同埋安全、稍为守得吓嘅(53992)喺嗰时各赚一格。喺2点半见到条5分钟图SlowSTC(14,3)企喺超卖位,都预咗只熊证要捱,去到3点25分时上返去超买都明嘅,因为真係有心理準备去捱价嘛,但见到都仲有半个钟有多嘅时间,捱完一下点都向下行,又希望个人定一定啲啦,谁不知去到临收市前15分钟个市係咁去,拆5分钟图见到SlowSTC(14,3)只係落到「8」头之后又再上过,噚日喺【下半Part】都有讲过,唔对路就要转身走,尤其是只(54072),因为拣佢出嚟真係贪佢高槓桿,所以用嚟做Day trade;至于只(53992),所谓嘅安全啲,都只係收回价比(54072)远咁解。姑勿论只轮证係咩都好,所有轮证都係有条款嘅product,唔同正股,无得同佢斗长命架。呢点亦係噚日【下半Part】提及过,所以(54072)唔理好丑,只求甩手,最多都係留返只(53992)博过。

今朝起身见到出面落毛毛雨,唔算大但好密,真係好鬼想唔返工(落雨返工真係好麻烦架),转身开电视见到日经升紧近200点,心谂:大镬啦,今日恒指高开,只(53992)PK啦。到喺巴士时恒指做完U盘,开报26011点,升308点,由于(54072)嘅收回价係25888点,所以基本上呢只嘢已经无仇报,唯有安慰自己嘅係:「噚日忍痛输一半,总好过今日乜都无呀!」然后就收到老友强少嘅whatsapp:拉埋黄之峰,听日乱...唔通我忍痛输一半,留得番嗰一半要输埋比紧急法?

返到公司大约9点40分到,又唔係话好淡定嘅,不过见个市抢高308点开市嘅话,5分钟图上条SlowSTC(14,3)点都会到顶再回一回嘅,于是放低个袋,开返把伞吹乾,再斟埋杯水再返嚟个位,见到恒指升幅收窄,最低见过25869点,升幅收窄到得返1XX点,叫做比开市个升幅少咗近一半,但你见条5分钟嘅SlowSTC(14,3)都无乜点落过,心谂:无啦啦今日咁强又杀咗两层熊证,点数上咁样跌一半都推唔低条5分钟嘅SlowSTC(14,3),(53992)都係算吧啦,唯有今年叫老妈食少两个月饼啦,唔好食咁多蛋黄呀,胆固醇高呀。

依家10点4分,刚刚新闻组同事出「香港众志称周庭今早在家中被捕」,呢条新闻对个市无影响,只係对听日条街有几多人嘅人数有影响啫。开返恒指日线图睇,依家恒指呈高开低收阳烛,但被条10天线(25961点)同20天线(25872点)夹住,头顶嘅「终极死亡交叉」仍然健在。

搵返今朝战友Jack画出嚟再开心share比我嘅图,一个「三角形」夹住成个8月嘅港股,不过依家都只係行到个「三角形」嘅中间,讲紧除咗上下嘅中间之外,仲係左右嘅中间,真係啱啱好喺「三角形」嘅中间。再开埋条保历加通道睇嘅话,又真係自7月尾碌咗落条保历加通道底中轴后,第一次再爬返上呢个位,「咁即係当『终极死亡交叉』无到呀?」又唔可以咁讲嘅,只可以话个短期「黄金交叉」发挥咗威力先啰。

依家10点24分,恒指做紧25921点,升217点,虽然见恒指5分钟图SlowSTC(14,3)喺超卖位慢慢下行中,但见恒指忽然发力,兼自己输咗几盒月饼...我都係乖乖地做吓其他无谓嘢先啦。

作者阿珊,任财经/投资版传媒人十几年,《钟摆战略赢港股》作者。用技术分析专心玩轮证,唔贪心,志在搵餐下午茶。

电邮:[email protected];FB:轮证赢家

上一篇: 下一篇:
sunbet开户|人类之家|热榜飞机|网站地图 申博官网备用网址_菲律宾申博管理网 申博官网备用网址_申博360老虎机