主页 > 人科常识 >【轮证赢家】期结日就一定造好?

【轮证赢家】期结日就一定造好?

2020-06-13 526浏览量
【轮证赢家】期结日就一定造好?放大图片

噚日本来历时两个钟嘅会,结果延长至两个钟零35分钟,去到最后嗰半个钟都真係开始顶唔顺,有少少放空...不过算啦,总算叫做6点钟前完成。开完个会返出嚟都已经无乜心机再望个市,拿拿声整埋啲嘢之后就闪人,好歹噚晚都係林郑首场社区对话呀,「讲啲嘢都係咁上下架啦!」其实我反而係想睇会唔会现场观众嘅声音係一面倒,原来都唔係嘅,仲有有一大堆和理非、「是咁的」巴打大哥同埋97年出世嘅前线后生仔,隔住个芒都feel到你哋个股热情。

依家9点57分,噚晚林郑个对话会今朝早直播台re-run一次,都无乜谓嘅;至于恒指就无re-run到噚日嘅升幅,今日再次下行,开市跌64点,做25977点,26000点再度失守。开市后恒指跌幅有所扩大,暂时恒指最低见25840点,所以下方牛证第一层25900至25999点嘅街货全数死亡,而呢度有相当于289张期指。果然当技术指标同恒指牛熊证街货图出现背驰时,大市最终会选择杀街货方向出发。

既然开咗恒指牛熊证街货图就睇埋落去啦,依家下方牛证最贴价就係25800至25899点,呢度有相当于685张期,按上文mark底恒指暂时低位25840点计,如果将呢一层街货拆细,以50点为一层嚟睇嘅话,其实25800至25849点呢层嘅街货亦都係全数死亡,而呢度有相当于474张期指,换言之呢一层实际上就得返200零张期指街货喺度。

再望远少少,比多100点个市,落到25700至25799点呢度有相当于815张期指,係属于牛证区第二重货,第一重货讲紧喺25000至25099点,太远啦;但有呢一层又近又相对多街货,讲紧假设今日个市睇375点嘅话就可以食埋呢层,咁今日total就食到过千期指街货添。望望月曆,今日除咗我约咗大学时代嘅老师陈望祖食饭之外,原来仲係其指结算日,往往见到呢个日子大家都会default认为期结日会市就会做好啲架啦,粉饰橱窗嘛,更何况今日一结,就代表第三季完结,第四季即将开始,所以对基金嚟讲亦係一个季结。

睇埋恒指日线图,今日见条历加通道口已经无之前所讲收窄嘅迹象,反而开始横行,下方SlowSTC(14,3)%K线同%D线双双落到严重超买嘅水平,如果呢个超卖作技术反弹呢单嘢成事嘅话,再配合埋依家已经见到嘅DMI条ADX由星期三(9月25日)开始回升(代表有力),再再加埋上方熊证出多啲新贴价货,仲要多街货喎,咁对班好友嚟讲确实係爽爆。

世事会唔会咁完美?好难讲架,不过睇住个市由10点到依家10点25分,都係跌15X点,5分钟图见到依家处低位横行状态,喺无熊证街货可以比个理由同方向去开Call/牛证博呢下低位反弹嚟讲嘅话,信心实在有啲不足。个市闷到咁,我都係落街买早餐好过啦。

下星期一(30日)就係小妹1.5年一度嘅健康宝宝心脏检查(1.5年?咁...我拖呀嘛...唔想去呀嘛...咪拖到依家啰...好合理呀~哈哈),所以全日都会休息一日,各位鬆啲加油!

作者阿珊,任财经/投资版传媒人十几年,《钟摆战略赢港股》作者。用技术分析专心玩轮证,唔贪心,志在搵餐下午茶。

电邮:[email protected];FB:轮证赢家

上一篇: 下一篇:
sunbet开户|人类之家|热榜飞机|网站地图 申博官网备用网址_申博体育赌场 申博官网备用网址_申博官网网站